Elas eran tres comadres

Elas eran tres comadres
e dun barrio todas tres.
Fixeron unha merenda
para ir ó San Andrés.(bis)

Unha puxo trinta ovos
para cada unha dez.
Outra leva unha empanada
de tres codos a un través.(bis)

Outra leva un pelexiño
de dous cántaros a tres.
Aló pola media noite
veu o marido da Inés.(bis)

E dinlle todas á unha
e ti aquí ¿para que vés?
Pra facer unha merenda
ben chegamos no-las tres.(bis)