Pechado o prazo de inscricións para a obra de maio, xa nos poñemos mans á obra-- e nunca mellor dito--. Este venres día 15 empezamos cos ensaios da nova montaxe.
Recuperamos á serpe e adaptamos a primeira obra que representou o grupo. E cando falamos de adaptación, falamos de que mantendo a estrutura inicial da obra, engadimos novos personaxes e novas situacións.
Para esta representación temos apuntados 15 alumnos e alumnas que significan unha cifra "récord" no grupo e ademais cunha importante presenza masculina ( 6 rapaces).
Queda un longo e atractivo traballo que esperamos acade os resultados que todos desexamos.
A ilustración correspóndese coa representación, en xuño de 2009, da Serpe da Cova no Museo Provincial de Lugo na revista oral "O Pazo das Musas" ao que fomos convidados.
Ningún comentario:
Publicar un comentario